<?xml version="1.0" encoding="UTF-8"?><song><time_sig>L.M. (8.8.8.8.)</time_sig>
<title>Iloh itibapishi ma! ƲIT62</title>
<lyrics>[V1]
 Iloh itibapishi ma!
 Ʋba yakni achukma ka
 A̱ya la chi̱, ahni mak osh
 Hʋchi aiokpanchi lishke.

[V2]
 Yakni ilʋppa aiʋtta
 Ik sʋm iksho hatuk okʋt,
 Ʋba yakni holitopa
 A̱ya ka sa bʋnna hoke.

[V3]
 Nan u̱ha ʋm ʋlhtaiyaha
 A si yʋmohmi fehna hosh,
 A̱ la chi̱ pulla hocha
 Chi aiokpahanchi lishke.

[V4]
 Iloh itibapishi ma!
 Ʋba a̱ya la chi̱ hokʋt
 Ishtaiyopi fehna hona,
 Hʋchi aiokpʋchi lishke.

[V5]
 Himak a nitak fehna ka,
 Chihowa a̱ nukha̱klo ya̱,
 Ushi Chisʋs aiena ka
 Pisa la chi̱ nitak oke.

[V6]
 Shilombish Holitopa 'k osh,
 Ʋba yakni achukma ka
 Aya la chi̱ pulla hoka,
 Auet ʋm anohonlishke.

[V7]
 Iloh itibapishi ma!
 A̱ya la chi̱ fehna hokʋt,
 A sa yuhu̱kpa fehnʋshke;
 Hʋs siakaiya pullashke.</lyrics>
<hymn_number>62</hymn_number>
<author>David Folsom</author>
<aka>The Christian's dying Farewell.</aka>
</song>